एजेन्सी । लक्जरी ह्याजब्याक कार निर्माता मिनी इण्डियाले आफ्नो नयाँ मिनी इलेक्ट्रिक कार भारतीय बजारमा सार्वजनिक गर्ने भएको छ । यो इलेक्ट्रिक ह्याचब्याक कम्पनीको मिनी कूपरमा आधारित छ ।
जानकारीका अनुसार कम्पनीले उक्त इलेक्ट्रिक कारलाई कूपर इलेक्ट्रिक अनुरुप पेस गर्नेछ । यसलाई सन् २०२१ फेब्रअरीमा पहिलो पटक भारतमा पेश गरिएको थियो ।
कम्पनीले सन् २०२१ के मार्चमा मिनी इलेक्ट्रिक कार सार्वजनिक गर्ने तयारी गरेको थियो । तर, कोभिड-१९ महामारीका कारण कम्पनीले सार्वजनिक गर्ने मिती केही समय पछि सारेको छ । हाल मिनी इण्डियाले आफ्नो यस इलेक्ट्रिक कारको टीचर तस्विर जारी गरेको छ । इलेक्ट्रिक कार सार्वजनिक गर्ने मिति भने घोषणा गरेको छैन ।
मिनी इलेक्ट्रिक कारको डिजाइन मिनी कूपरकै समान हुनेछ । तर, सामान्य परिवर्तन भने देख्न सकिन्छ । इलेक्ट्रिक कारमा नयाँ फ्रन्ट ग्रिल हुनेछ ।
कारमा ३२.६ किलोवाटवार ब्याट्री छ । फुल चार्जमा कारले २०३ किलोमिटर देखि २३४ किलोमिटरसम्म रेञ्च प्रदान गर्ने कम्पनीको दावी छ ।
यस इलेक्ट्रिक कारले १८४ बीएचपी पावर र २७० न्यूटन मिटरका अधिकतम टर्क प्रदान गर्छ । यो कारको करिब १५० किलोमिटर प्रति घण्टाको अधिकतम गतिमा चल्न सक्छ । ७.३ सेकेण्डमा ० देखि १०० किलोमिटरको गति लिन सक्छ ।
