काठमाडौं । महिन्द्राको सर्भिसिङ सेन्टरमा आगलागी भएको छ । ललितपुरको कुपण्डोलस्थित महिन्द्राको सर्भिसिङ सेन्टरमा आज बिहान ४ः४७ बजे आगलागी भएको हो ।
आगलागीबाट ७ वटा चारपांग्रे गाडी जलेका छन् भने ३ वटा मोटरसाइकल र ३ वटा स्कुटर पनि जलेका छन् ।
बिहान ४ः४७ मा लागेको आगो नेपाल प्रहरीको सक्रियतामा ५ः१७ बजे नियन्त्रणमा आएको थियो ।
आगलागी के कारणले भएको र त्यसको क्षतिको पूर्ण विवरण संकलनको काम पनि भइरहेको प्रहरीले जनाएको छ ।
