काठमाडौं । सुजुकीले केहीदिन अघि नेपाली बजारमा बहुप्रतिक्षित १२५ सीसी स्कुटर एभेनिस लन्च गरेको छ । एभेनिस १२५ सीसी यो स्कुटर खण्डमा कम्पनीको तेस्रो मोडेल हो । यसअघि एक्सेस १२५ र बर्गम्यान १२५ को बजारमा आइसकेका छन् । २.९९ लाखको प्रारम्भिक मूल्य तोकिएको एभेनिस नेपाल बजारमा लोकप्रिय हुने अनुमान गरिएको छ ।
डिजाइन र सुविधाहरू
एभेनिसले स्लीक एप्रोन–माउन्ट गरिएको एलईडी हेडलाइट, काउल ह्यान्डलबार (एकीकृत बल्ब इन्डिकेटरहरू सहित), फ्लस–फिट पिलियन फुटपेगहरू सहितको साइड प्यानलहरू, सुविधाजनक डुअल–लगेज हुक र बाहिरी–हिन्ज प्रकारको प्यूल क्याप सहित केही स्पोर्टी बडीवर्क पाउन सकिन्छ ।
यो स्कुटर ब्लुटुथ कनेक्टिभिटी सहितको अल–डिजिटल इन्स्टुुमेन्ट क्लस्टरको साथ आउँदछ जसमा मिस्ड–कल अलर्ट, एसएमएस अलर्ट, व्हाट्सएप अलर्ट, स्पीड–एक्सिसिङ अलर्ट, फोन ब्याट्री–लेभल डिस्प्ले र एक पछि अर्को गर्दैै क्रमबद्ध मार्गनिदेर्शन जस्ता सुविधाहरू समावेश छन् । स्कुटरका अन्य उल्लेखनीय विशेषताहरूमध्ये सुजुकी इजी स्टार्ट प्रणालीसँगको एकीकृत इन्जिन स्टार्ट\किल स्वीच, युएसबी सकेटसहितको फ्रन्ट बक्स, साइड–स्ट्यान्ड इन्टरलक र २१.८–लिटर अन्डरसीट भण्डारण ठाउँ समावेश छ ।
