काठमाडौं । नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्न खोज्ने एक व्यक्ति पक्राउ परेको छ ।
पक्राउ पर्ने व्यक्ति रुकुम पश्चिम मुसिकोट नगरपालिका–११ का २५ वर्षीय खेमबहादुर घर्ती रहेको बताइएको छ ।
उनलाई कोठाबाट खुकुरी निकालेर सिसा फुटाउन प्रयास गरेका बेला पक्राउमा परेको सुरक्षामा खटिएका सेनाले जानकारी दिए ।
‘श्रीपेच बुलेट प्रुफ सिसाभित्र थियो, घर्तीले हातले प्रहार गर्दा बुलेट प्रुफ बाहिर रहेको सिसाको आवरण भने फुटेको छ । त्यसपछि उनले कोठाभित्र सोकेसमा राखिएको खुकुरी झिकेर श्रीपेच निकाल्न प्रयास गरेको सेनाले बताए ।
