काठमाडौं । काठमाडौंबाट लागूऔषध हेरोइन सहित दक्षिण अफ्रिकाबाट आएका ७ जना महिलाहरुलाई प्रहरीले पक्राउ गरेको छ ।
काठमाडौंलाई ट्रान्जिट बनाएर भारत लान खोजिएको ५१ किलो हेरोइन प्रहरीले एक साता लामो अपरेशन चलाएर बरामद गर्न सफल भएको हो ।
ब्युरोले गएको जेठ २६ देखि ३१ गतेसम्म एक साताको अवधिमा ५१ किलो हेरोइन बरामद गरेको हो ।
बरामदमध्ये ४९ किलो सेतो हेरोइन र २ किलो खैरो हेरोइन रहेको विधि विज्ञान प्रयोगशालामा गरेको परीक्षणबाट पुष्टि भएको छ ।
उनीहरुबाट बरामद खैरो हिरोइनको अवैध बजार मूल्य १ अर्ब २ करोड रहेको ब्यूरोले जनाएको छ ।
पक्राउ परेकाहरुमाथि लागूऔषध नियन्त्रण ऐन २०३३ अनुसार जिल्ला अदालत काठमाडौंबाट ७ दिन म्याद थप गरेर विस्तृत अनुसन्धान भइरहेको प्रहरीले जनाएको छ ।
उनीहरू विभिन्न मितिमा फ्लाई दुबईको विमानबाट नेपाल आएको खुलेको छ ।
प्रहरीले सो गिरोह नियन्त्रणमा लिन त्रिभुवन विमानस्थल र ठमेल क्षेत्रमा सक्रियता बढाएको थियो ।