काठमाडौं । कैलालीको जानकी गाउँपालिका-९ का २५ वर्षीय अर्जुन दासको हत्या गरेको दाबी गरेको अडियो लिक मृतकको श्रीमतीलाई पठाउने व्यक्तिलाई प्रहरीले पक्राउ गरेको छ ।
हत्याको घटनापछि स्थानीय मनोज भण्डारीले पठाएको फोन संवादको अडियो मृतकको श्रीमती धर्मादेवी दासको फेसबुक म्यासेन्जरमा पठाउने व्यक्तिलाई प्रहरीले पक्राउ गरेको हो ।
पक्राउ परेका व्यक्तिबाट अनुसन्धान सुरु गरिएको र घटनामा संलग्न सबैको पहिचान भइसकेको प्रहरीले जनाएको छ ।
गत शनिबार स्थानीय जंगलमा शरीरबाट टाउको अलग पारिएको अवस्थामा अर्जुनको शव फेला परेको थियो ।
दासको हत्या भएको अडियो फेसबुक म्यासेन्जरमा आएपछि अर्जुनकी श्रीमती धर्मादेवी शनिबार बिहान घटनाबारे जानकारी गराउन प्रहरी चौकी अमरावती पुुगेकी थिइन् ।
