काठमाडौं । साताको चौथो दिन पनि सेयर बजार सामान्य अंकले बढेको छ ।
बुधबार, नेप्से परिसूचक ४.८५ अंकले बढेर २६६८.१७ अंक विन्दुमा आइपुगेको छ ।
आज ८३ लाख १२ हजार कित्ता सेयर ३ अर्ब ७६ करोड १५ लाखमा खरिद बिक्री भएको छ ।
त्यस्तै, १३० वटा कम्पनीको सेयर मूल्य बढ्दा १०२ वटा कम्पनीको घटेको छ भने ११ वटा कम्पनीको स्थिर अवस्थामा रहेको छ ।
त्यसैगरि, नेपाल फाइनान्सको सर्वाधिक सेयर खरिदबिक्री भएको छ । कम्पनीको आज २२ करोड १ लाख रुपैयाँमाथिको कारोबार भएको छ ।
त्यस्तै, सानिमा बैंकको १८ करोड ९८ लाख, हिमालयन रि इन्स्योरेन्सको १५ करोड ७२ लाख, साहस उर्जाको १५ करोड २७ लाख, एनएलजी इन्स्योरेन्सको ९ करोड ९१ लाख रुपैयाँमाथिको कारोबार भएको छ ।
