काठमाडौं । साताको अन्तिम दिन सेयर बजार दोहोरो अंकले बढेको छ ।
बिहीबार, नेप्से परिसूचक ७८.१७ अंकले बढेर २६८८.३८ अंक विन्दुमा आइपुगेको छ ।
आज १ करोड ९४ लाख ३३ हजार कित्ता सेयर ८ अर्ब १६ करोड ९२ लाखमा खरिद बिक्री भएको छ ।
त्यस्तै, २२९ वटा कम्पनीको सेयर मूल्य बढ्दा १२ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, सीईडीबी हाइड्रोपावरको सर्वाधिक सेयर खरिदबिक्री भएको छ । कम्पनीको आज ४७ करोड ६५ लाख रुपैयाँमाथिको कारोबार भएको छ ।
त्यस्तै, हिमालयन रि इन्स्योरेन्सको २४ करोड ४८ लाख, एनआरएनको २४ करोड १२ लाख, अपी पावरको १८ करोड ८३ लाख, एचआईडीसीएल प्रमोटरको १७ करोड ९ लाख रुपैयाँमाथिको कारोबार भएको छ ।
