काठमाडों । टेस्लाको शोरुममा आगलागी भएको छ । काठमाडौंको नक्सालस्थित नेपाल प्रहरीको मुख्यालयसँगै रहेको टेस्लाको शोरुममा आगलागी भएको हो ।
आगलागी आज शुक्रबार दिउँसो करिब ११:३२ बजेबाट सुरु भएको प्रहरीले जनाएको छ ।
सर्ट सर्किट भएर आगलागी भएको प्रहरीको अनुमान छ । आगलागीका कारण कार्यालय र स्पेयर पार्टहरु जलेका छन् भने गाडीमा भने क्षति हुन नपाएको प्रहरीले जनाएको छ ।
जुद्धवारुण यन्त्रको दमकलले आगो भर्खरै नियन्त्रणमा लिएको प्रहरीले जनाएको छ ।
