काठमाडौं । सिटिजन लाइफ इन्स्योरेन्स कम्पनीको गत आर्थिक वर्ष २०८०/८१ को चौथो त्रैमाससम्मको वित्तिय विवरण सार्वजनिक गरेको छ ।
गत आर्थिक वर्षको असार मसान्तसम्ममा कम्पनीले ३२ करोड ४७ लाख रुपैयाँ खुद नाफा आर्जन गरेको छ । यो अघिल्लो आर्थिक वर्षको सोहि अवधिको तुलनामा २१६.५६ प्रतिशतले बढी हो । अघिल्लो आर्थिक वर्षको सोहि अवधिमा कम्पनीले १० करोड २५ लाख रुपैयाँ खुद नाफा आर्जन गरेको थियो ।
समिक्षा अवधिमा कम्पनीले ६ अर्ब २१ करोड ५३ लाख रुपैयाँ कुल बीमाशुल्क आर्जन गरेको छ । यो अघिल्ले आवको तुलनामा ५.४७ प्रतिशतले बढी हो । अघिल्लो आवमा कम्पनीले ५ अर्ब ८९ करोड ३२ लाख रुपैयाँ कुल बीमाशुल्क आर्जन गरेको थियो ।
कम्पनीको जीवन बीमा कोषको आकार पनि ४१.५४ प्रतिशतले बढेर १४ अर्ब ४४ करोड २९ लाख रुपैयाँ पुगेको छ । अघिल्लो वर्ष कम्पनीको जीवन बीमा कोषको आकार १० अर्ब २० करोड ४१ लाख रुपैयाँ थियो ।
कम्पनीको कुल दाबी भुक्तानी भने ३.८४ प्रतिशतले घटेर १ अर्ब ८२ करोड ९८ लाख रुपैयाँमा सीमित भएको छ ।
३ अर्ब ९३ करोड ७५ लाख रुपैयाँ चुक्ता पुँजी रहेको कम्पनीको प्रतिसेयर आम्दानी ८.२५ रुपैयाँ, प्रतिसेयर नेटवर्थ १७६.९६ रुपैयाँ, पिई रेसियो ६६.०३ गुणा रहेको छ ।
