काठमाडौं । एयर डाइनेस्टीको हेलिकप्टर नुवाकोटको शिवपुरीमा दुर्घटनामा परेको छ ।
हेलिकप्टर दुर्घटनामा परि ४ जनाको मृत्यु भएको छ । हेलिकप्टरमा पाँच जना सवार रहेको खुलेको छ ।
हेलिकप्टर क्याप्टेन अरुण मल्लले उडाएका थिए । हेलिकप्टरमा अन्य चार जना चिनियाँ पर्यटक सवार थिए ।
चिनियाँ पर्यटकमा जुदाड टाङ, जी लि, यियाद वु र जेमिङ सी रहेका छन् । हालसम्म चार जनाको शव फेला परेको बताइएको छ ।
शिवपुरी गाउँपालिका–७ स्थित शिवपुरी जंगलको सुर्यचौर क्षेत्रमा आगो बलेको र धुँवा देखिएपछि स्थानीयले हेलिकप्टर दुर्घटना भएको हुनसक्ने आशंका गरी प्रहरीलाई खबर गरेका थिए ।
