काठमाडौं । साताको अन्तिम दिन पनि सेयर बजारमा करेक्सन देखिएको छ ।
बिहीबार, नेप्से परिसूचक ५.२९ अंकले घटेर २७५५.६२ अंक विन्दुमा आइपुगेको छ ।
आज ५ करोड १३ लाख २१ हजार कित्ता सेयर २१ अर्ब ७१ करोड ३४ लाखमा खरिद बिक्री भएको छ ।
त्यस्तै, ७४ वटा कम्पनीको सेयर मूल्य बढ्दा १६४ वटा कम्पनीको घटेको छ भने ३ वटा कम्पनीको स्थिर अवस्थामा रहेको छ ।
त्यसैगरि, हिमालयन रि इन्स्योरेन्सको सर्वाधिक सेयर खरिदबिक्री भएको छ । कम्पनीको आज ५९ करोड ७५ लाख रुपैयाँमाथिको कारोबार भएको छ ।
त्यस्तै, शिवम् सिमेन्टको ४३ करोड ८१ लाख, सीईडीबी हाइड्रोपावरको ४२ करोड ५६ लाख, नेपाल फाइनान्सको ४१ करोड ६७ लाख, निफ्राको ४१ करोड ४२ लाख रुपैयाँमाथिको कारोबार भएको छ ।
