काठमाडौं । रियलमीले आज औपचारिक रुपमा नेपालमा ‘रियलमी जिटी नियो २’ सार्वजनिक गरेको छ । सोे मोबाइलको मूल्य नेपाली बजारमा ५४ हजार १९९ रुपैयाँ रहेको छ । मोबाइलमा ८/१२८ जीबी स्टोरेज रहेको छ ।
लोकप्रिय फ्लागसिप किलर रियलमी जिटी लाइनअपमै आधारित यस नियो फ्लागसिप किलर रियलमी जिटी नियो २ धेरै स्मार्टफोन चलाउने प्रयोगकर्ताहरुलाई लक्षित गरी बनाइएको हो ।
जसमा प्राविधिक नवीनताका साथै सुन्दर डिजाइन रहेको छ । शुरुका ग्राहकहरुले तोकिएको भन्दा ३००० रुपैयाँ कम मूल्य ५१ हजार १९९ रुपैयाँमा यो मोवाइल फोन खरीद गर्न सकिने कम्पनीले बताएको छ ।
रियलमी जिटी नियो २ लाई क्वालकम स्नापड्रागन ८७० ५जी छन् को मोबाइल प्लाटफर्मले पावर गरेको छ । यसको लम्बाइ १६२.९ मिलिमिटर, चौडाइ ७७५.६ मिलिमिटर र उचाइ ८.६ एमएम रहेको छ । क्वालकम स्नापड्रागनले प्रयोगकर्तालाई सन्तुलित प्रदर्शनसँगै स्थिरताको अनुभव प्रदान गर्दछ ।
थर्मल जेलले यस फोनलाई शितल राख्दछ । रियलमीको इतिहासमै पहिलो पटक रियलमी जिटी नियो २ मा ८ तहका तीन आयामको तापक्रम नियन्त्रण गर्ने ४१२९ एमएम क्षेत्रफलमा बाफलाई चिस्याउने खिया नलाग्ने स्टिलको संरचना रहेको छ । चिस्यान क्षमतालाई विचार गर्दा यसले मूलधारको गेमहरु खेल्न निकै सहयोग गर्नेछ । एप्लिकेसनहरु र गेमहरु छिटो लोड हुन्छ ।
