काठमाडौं । अमेरिकाका पूर्व राष्ट्रपति डोनाल्ड ट्रम्पमाथि गोली प्रहार भएको छ ।
पेन्सिलभेनियाको ग्रेटर पिट्सबर्ग क्षेत्रको बटलर काउन्टीमा चुनावी र्याली गरिरहेका बेला ट्रम्पमाथि गोली प्रहार भएको हो ।
गोली ट्रम्पको कानको माथिल्लो भागमा लागेको बीबीसीले जनाएको छ । उनीमाथि करिब ३०० यार्ड परबाट राइफलबाट गोली प्रहार भएको थियो ।
ट्रम्पलाई गोली लागे पनि उनी सुरक्षित रहेका छन् ।
घटनास्थलको तस्वीरहरुमा ट्रम्पको काननेरबाट गालासम्म रगत बगेको देखिन्छ । उनलाई सुरक्षा टोलीले त्यहाँबाट अस्पताल पुर्याएका थिए ।
हाल उनको अवस्था सामान्य रहेको छ ।
ट्रम्पमाथि गोली प्रहार गर्ने बन्दुकधारीको भने सुरक्षा कारवाहीका क्रममा मृत्यु भएको छ ।
