काठमाडौं । साताको अन्तिम दिन सेयर बजार दोहोरो अंकले बढेको छ ।
बिहीबार, नेप्से परिसूचक १५.४६ अंकले बढेर २११९.६९ अंक विन्दुमा आइपुगेको छ । ।
आज २ करोड २१ लाख ६७ हजार कित्ता सेयर ६ अर्ब ४८ करोड २५ लाखमा खरिद बिक्री भएको छ ।
त्यस्तै, १४८ वटा कम्पनीको सेयर मूल्य बढ्दा ९३ वटा कम्पनीको घटेको छ भने ६ वटा कम्पनीको स्थिर अवस्थामा रहेको छ ।
त्यसैगरि, एनआरएनको सर्वाधिक सेयर खरिदबिक्री भएको छ । कम्पनीको आज ३० करोड ९ लाख रुपैयाँमाथिको कारोबार भएको छ ।
त्यस्तै, नेपाल फाइनान्सको १७ करोड ६४ लाख, महालक्ष्मी विकास बैंकको १७ करोड १२ लाख, सांग्रिला डेभलपमेन्ट बैंकको १५ करोड ४१ लाख, मन्जुश्री फाइनान्सको १४ करोड ३५ लाख रुपैयाँमाथिको कारोबार भएको छ ।
