काठमाडौं । साताको पहिलो दिन सेयर बजारमा दोहोरो अंकको गिरावट आएको छ ।
आइतबार, नेप्से परिसूचक १७.०४ अंकले घटेर २०९५.२५ अंक विन्दुमा आइपुगेको छ ।
आज १ करोड ३२ लाख २३ हजार कित्ता सेयर ५ अर्ब ४७ करोड २२ लाखमा खरिद बिक्री भएको छ ।
त्यस्तै, ६४ वटा कम्पनीको सेयर मूल्य बढ्दा १७७ वटा कम्पनीको घटेको छ भने ६ वटा कम्पनीको स्थिर अवस्थामा रहेको छ ।
त्यसैगरि, नेपाल फाइनान्सको सर्वाधिक सेयर खरिदबिक्री भएको छ । कम्पनीको आज ३० करोड ४० लाख रुपैयाँमाथिको कारोबार भएको छ ।
त्यस्तै, एनआरएनको १८ करोड १९ लाख, न्याङदी ग्रुप पावरको १५ करोड २५ लाख, सीईडीबी हाइड्रोपावरको १३ करोड २७ लाख, समृद्वि फाइनान्सको १३ करोड १ लाख रुपैयाँमाथिको कारोबार भएको छ ।
