काठमाडौं । नेपाल बीमा प्राधिकरणको प्रवक्ताको जिम्मेवारी सुशीलदेव सुवेदीलाई तोकिएको छ ।
यसअघि प्रवक्ताको जिम्मेवारीमा रहेका कार्यकारी निर्देशक राजुरमण पौडेल उमेर हदका कारण निवृत्त भएसँगै प्राधिकरणको निर्देशकमा रहेका सुवेदीले प्रवक्ताको जिम्मेवारी पाएका हुन् ।
त्यसैगरि, प्राधिकरणको सहप्रवक्ताको जिम्मेवारी पुनम ज्ञवाली श्रेष्ठले पाएकी छिन् । उनी प्राधिकरणमा उपनिर्देशक रहेकी छिन् ।