काठमाडौं । टोटनहमका मुख्य प्रशिक्षक नुनो स्प्रिटो सान्टो चार महिनामैं बर्खास्त भएका छन् ।
शनिबार भएको लिगको खेलमा म्यानचेस्टर युनाइटेडसँग ३–० ले पराजित भएसँगै सोमबार नुनोलाई बर्खास्त गरेको हो । टोटनहमले मुख्य प्रशिक्षक नुनोसहित प्रशिक्षण टिमका इयान काथ्रो, रुई बारबोसा र एन्टोनियो डियासलाई समेत बर्खास्त गरेको छ ।
चार वर्ष वुल्भ्समा बिताएका ४७ वर्षीय पोर्चुगिज गत जुनमा दुई वर्षका लागि क्लबको म्यानेजर नियुक्त भएका थिए ।
टोटनहम अहिले लिगका आठौं स्थानमा छ । टोटनहमले दस खेलबाट १५ अंक जोडेको छ । जुन शीर्ष क्लब चेल्सीभन्दा १० अंकले पछाडि हो ।
