काठमाडौं । अभिनेत्री रेखा थापाले निर्माण गरेको चलचित्र ‘उपहार’ यहि फागुन २५ गतेबाट देशै भरी प्रदर्शनमा आएको छ । शनिबार चाबाहिलको के एल टावारमा दर्शको प्रतिक्रिया बुझ्न पुगेकी अभिनेत्री बेनिसा हमालले दर्शको माया पाएर दंग भएको बताइन् ।
उनले भनिन्,‘प्रत्यक्ष रुपमा मात्र नभएर सामाजिक संजाल फेसबुक, म्यासेन्जरमा पनि म्यासेसजहरू आएको छ’ उनले भनिन्, ‘दर्शकले चलचित्र हेरिसकेपछि जुन प्रकारको प्रतिक्रिया दिनु भएको छ, त्यो एकदमै सकरात्मक छ, साथै उहाँहरूले धेरै सपोट पनि गर्नु भएको छ ।’
निर्देशक ज्ञानेन्द्र देउजाले फिल्म उपहारले शुक्रवार र शनिवार दर्शकको साथ राम्रो पाएको दाबी गरेका छन् ।
शुक्रवार र शनिवार राजधानीका सिभिल मल, अष्टनारायण हल, एफक्यूब, लबिम मल, बिग मुभिज, बिएसआर लोत्से मल नेपालगञ्ज लगायतमा दर्शकको साथ राम्रो रहेको निर्देशक देउजाले बताए ।
फिल्मबारे दर्शक प्रतिक्रिया बुझ्न अभिनेत्री बेनिशा हमाल, पूजा शर्मा, मुकुन भुसाल लगायतको टिम शुक्रवार र शनिवार उपत्यकाका विभिन्न हल पुगेका थिए ।
अभिनेत्री पुजा शर्मा भन्छिन्, ‘जस्तो सुकै परिस्थिती आएपनि हिडिन्छ, दर्शकहरूलाई मनैदेखि धन्याबाद भन्न चाहान्छु । दर्शकहरूले चलचित्र हेर्न मुस्किल भएको समयममा पनि हलसम्म आएर उपहार हेरिदिनु भएको छ ।’
त्यसैगरी अभिनेता मुकुन भुषालले उपहारमा सबै पात्राले आ–आफ्नो कथा बोकेको बताए । उनले भने, ‘उपहार हेर्दा हास्दा हास्दै रुनुभएको छ, रुदा रुदै हास्नु भएको छ। उहाँहरूको प्रतिक्रियाबाट हामी धेरै नै खुशी र्छौ । आज दोस्रो दिन दर्शकको बाक्लो उपस्थिती देखिएका र्छौ । मेरो अभिनयलाई दर्शकहरूले मन पराइदिनु भएको छ । हामी सबै खुशी भएका छौं ।’
देउजाका अनुसार शुक्रवार भन्दा शनिवार धेरै हलमा हाउसफूलको दर्शक रहेका थिए । फिल्मको दर्शक प्रतिक्रिया समेत राम्रो रहेको उनको भनाइ छ ।
चलचित्रको बजारमा सफलताको खडेरी परिरहेको अवस्थामा तुलनात्मक रुपमा राम्रो चलचित्र ‘उपहार’ बनेको दर्शकलाई आभास भएको छ ।
रेखा फिल्मस् र कपनगढी फिल्मस्को संयुक्त ब्यार्नरमा निर्माण भएको चलचित्र उपहारको कार्यकारी निर्माता बलराम शाही ठकुरी र निर्माता सुलभ प्रतिक र समिक्षा देउजा हुन् । चलचित्रमा विष्णु कल्पितको छायांकन, अर्जुन पोखरेल र बाबुल गिरीको संगीत र मित्र गुरुङको सम्पादन रहेको छ ।
फिल्ममा रेखा थापा, पूजा शर्मा, मुकुन भुषाल, बेनिशा हमाल, तेज गिरी, समर्पणजंग कार्की, सुष्मा कार्की, शिशिर राणा, राजाराम पौडेल, किरण केसी, अंशु महर्जन, विनोद पौडेल, आशा भुुषाल, शोभारस घिमिरे, मन्जु श्रेष्ठ, कमल भट्ट, राइडर प्रशान्त र सरिता राजोपाध्याय लगायतको अभिनय छ ।
