काठमाडौं । कुमारी बैंकले संस्थापक सेयर बिक्रीमा राखेको छ। बैंकले सेयरधनी नन्द किशोर श्रेष्ठको नाममा रहेको ४५ हजार ५२० कित्ता सेयर बिक्रीमा राखेको हो ।
यसमा बैंकका विद्यमान अन्य संस्थापक सेयरधनीले आवेदन दिन सक्नेछन् । सेयर खरिद गर्न इच्छुक संस्थापक सेयरधनीले आज (माघ ५ गते) बाट ३५ दिनभित्र आवेदन दिनुपर्नेछ ।
आवेदन बैंकको प्रधान कार्यालय, टंगाल वा कुमारी क्यापिटलको कार्यालय नक्साल नागपोखरी, काठमाडौंमा खरिद गर्न चाहेको सेयर संख्या खुलाई दिनुपर्नेछ । सेयर भाउ भने बिक्रेताले तोके बमोजिम हुने सूचनामा उल्लेख छ । सो समयमा संस्थापक सेयरधनीले सेयर खरिद नगरे अन्य व्यक्ति वा संस्थालाई सेयर बिक्री गरिने बैंकले जनाएको छ ।
