काठमाडौं । साताको चौथो दिन सेयर बजारमा गिरावट आएको छ ।
बुधबार, नेप्से परिसूचक १२.१० अंकले घटेर २१६३.०६ अंक विन्दुमा आइपुगेको छ ।
आज ३ करोड ३५ लाख कित्ता सेयर ९ अर्ब ७६ करोड ८९ लाखमा खरिद बिक्री भएको छ ।
त्यस्तै, ६३ वटा कम्पनीको सेयर मूल्य बढ्दा १८० वटा कम्पनीको घटेको छ भने ४ वटा कम्पनीको स्थिर अवस्थामा रहेको छ ।
त्यसैगरि, हिमालयन रि इन्स्योरेन्सको सर्वाधिक सेयर खरिदबिक्री भएको छ । कम्पनीको आज ६५ करोड ८४ लाख रुपैयाँमाथिको कारोबार भएको छ ।
त्यस्तै, ङादी ग्रुपको ३३ करोड १६ लाख, सोनापुर मिनरल्सको २९ करोड ८२ लाख, मुक्तिनाथ कुषि कम्पनीको २४ करोड ५० लाख, निफ्राको २३ करोड ८९ लाख रुपैयाँमाथिको कारोबार भएको छ ।
