काठमाडौं । अभिनेता अनमोल केसी पक्राउ परेका छन् । उपत्यका अपराध अनुसन्धान कार्यालय, काठमाडौंको टोलीले आपराधिक विश्वासघात गरेको आरोपमा केसीलाई साँगाबाट पक्राउ गरेको हो ।
रावायण नामक फिल्ममा भएको विवादलाई लिएर निर्माता समूहले केसीविरुद्ध आपराधिक विश्वासघातको कसुरमा किटानी जाहेरी दिएका थिए ।
निर्माण कम्पनी सुदर्शन थापा प्रोडक्सन प्रा.लि.को तर्फबाट सुप्रिया भन्ने चन्द्रकला कटुवालले उजुरी दिएकी थिइन् । उक्त उजुरीको आधारमा अनमोलविरुद्ध केही दिनअघि पक्राउ पुर्जी जारी भएको थियो ।
उनले फिल्म खेल्छु भनेर १० लाख रुपैयाँ लिएको र फिल्म खेल्न नमानेको बताइएको छ ।
