काठमाडौं । हिमालयन रि इन्स्योरेन्स लिमिटेडले प्रिमियममा आईपीओ निष्काशन गर्ने भएको छ ।
कम्पनीले आईपीओ निष्काशनको अनुमति माग गर्दै नेपाल धितोपत्र बोर्ड (सेबोन)मा निवेदन दिएको छ । कम्पनीले १०० रुपैयाँ अंकित दरमा १०८ रुपैयाँ प्रिमियम थपेर २०८ रुपैयाँमा आईपीओ निष्काशनको लागि अनुमति माग गरेको हो ।
योसँगै, बोर्डले अनुमति प्रदान गरेमा कम्पनीले ३ करोड कित्ता आईपीओ ल्याउनेछ। कम्पनीले प्रिमियममा आईपीओ निष्काशन गरेपछि ६ अर्ब २४ करोड रुपैयाँ रकम उठाउने छ ।
कम्पनीको आईपीओ निष्काशन तथा बिक्री प्रबन्धकमा एनएमबि क्यापिटल रहेको छ।
कम्पनीको हालको चुक्ता पुँजी ७ अर्ब रुपैयाँ रहेको छ। प्रिमियममा आईपीओ निष्काशन गरेपछि कम्पनीको चुक्ता पुँजी १० अर्ब रुपैयाँ पुग्ने छ भने ३ अर्ब २४ करोड रुपैयाँ कोषमा संञित रह्नेछ ।
