काठमाडौं । माण्डु हाइड्रोपावर लिमिटेडको आईपीओ बाँडफाँट हुने मिति तय भएको छ । बिक्री प्रबन्धक प्रभु क्यापिटलले कम्पनीको आईपीओ भदौ २४ गते आइतबार आइतबार बिहान ९ः३० बजे बाँडफाँट गर्ने तयारी गरेको हो ।
कम्पनीको आईपीओृमा अन्तिम दिनसम्ममा ९ लाख ८० हजार ५३ जनाले १ करोेड ६ लाख ९५ हजार ३३० कित्ताका लागि आवेदन दिएका थिए ।जुन कम्पनीले सर्वसाधारणको लागि निष्काशन गरेको १२ लाख ५ हजार ३ सय २० कित्ता सेयरको ८.८७ गुणा हो ।
कम्पनीले भदौ १० गतेदेखि भदौ १३ गतेसम्म सर्वसाधारणलाई १२ लाख ५ हजार ३ सय २० कित्ता सेयर निष्काशन गरेको हो ।
कम्पनीले अंकित मूल्य १०० रुपैयाँमा १०६ रुपैयाँ प्रिमियम थपेर प्रति कित्ता २०६ रुपैयाँमा सेयर निष्काशन गरेको हो ।
कम्पनीको सेयर निष्काशन तथा बिक्री प्रबन्धकमा प्रभु क्यापिटल रहेको छ ।
कम्पनीको आईपीओमा मागभन्दा बढी आवेदन परेका कारण गोलाप्रथाबाट बाँडफाँट हुनेछ। जसअनुसार भाग्यमानी १ लाख २५ हजार ३२ आवेदकले १० कित्ताका दरले सेयर पाउनेछन्।
कम्पनीले यस अघि नै आयोजना प्रभावित ललितपुर र मकवानपुर जिल्लाका स्थानीय तथा श्रम स्वीकृति लिई विदेशमा रहेका नेपाली नागरिकको लागि आईपीओ निष्काशन गरि बाँडफाँट गरिसकेको छ ।
कम्पनीले मकवानपुर जिल्लाको कोगटे स्थित इपामा २२ मेगावाट क्षमताको बागमती नदी जलविद्युत आयोजनाको निर्माण गरी सञ्चालन गरिरहेको छ । सो आयोजनाले २०७५ चैत्र १८ गतेबाटै विद्युत उत्पादन शुरु गरिसकेको छ ।
