काठमाडौं । नेपाल नागरिक उड्ड्यन प्राधिकरणले आन्तरिकतर्फको हवाई भाडा घटाएको छ।
नेपाल आयल निगमले हवाई इन्धनमा गरेको कटौतीसँगै प्राधिकरणले आन्तरिकतर्फको हवाई भाडा घटाएको हो ।
प्राधिकरणले न्युनतम ६० रुपैयाँदेखि अधिकतम ७५० रुपैयाँसम्म भाडा घटाएको छ । घटेको भाडादर असार २० देखि लागु हुने छ ।
सोमबार निगमले हवाई इन्धनको मूल्यमा प्रतिलिटर १४ रुपैयाँ कटौती गरेको थियो । १५० रुपैयाँ प्रतिलिटर रहेको हवाई इन्धनको मूल्य अहिले १३६ रुपैयाँ प्रतिलिटर कायम भएको छ ।
प्राधिकरणका अनुसार नेपालको अहिलेको लामो रुट (१००.९ मिनेट) विराटनगर–नेपालगञ्जका लागि प्रतिटिकट ७५० रुपैयाँ इन्धनको मूल्य कम भएको छ ।
काठमाडौंबाट लामो रुट (८९.०९ मिनेट) धनगढीका लागि ६१५ रुपैयाँ भाडा कम भएको छ ।
काठमाडौंंबाट माउन्टेन फ्लाइट ४८५, भद्रपुर ४२०, विराटनगर ३३५, जनकपुर १८०, भरतपुर १५०, पोखरा २२५, भैरहवा २८५, नेपालगञ्ज ४५५, तुम्लिङटार२६०९ र सिमराका लागि १२५ रुपैयाँ कम भएको छ ।
