काठमाडौं । भारतबाट पेट्रोलियम पदार्थको मूल्य फेरि बढेर आएको छ । भारतीय आयल कर्पोरेसन (आईओसी)ले नेपाल आयल निगमलाई पेट्रोलियम पदार्थको मूल्य पुनःबढाएर पठाएको हो ।
जसअनुसार, पेट्रोलको मूल्य प्रतिलिटर ८६ पैसा र डिजेल प्रतिलिटर ३७ पैसाले बढेर आएको छ ।
आईओसीले हरेक १५/१५ दिनमा नयाँ मूल्यसूची पठाउने गरेको छ ।
सोही मूल्यको आधारमा निगमले उपभोक्ता मूल्य तोक्नेछ ।
हाल नेपालमा पेट्रोलको मूल्य प्रतिलिटर १७५ रुपैयाँ र डिजेलको मूल्य प्रतिलिटर १५५ रुपैयाँ कायम रहेको छ ।
यसअधि भारतले जेठ १८ गते पेट्रोलको मूल्य प्रतिलिटर २ रुपैयाँ ४ पैसा र डिजेल प्रतिलिटर २ रुपैयाँ ११ पैसाले बढाएर पठाएको थियो ।
