काठमाडौं । साताको दोस्रो दिन सेयर बजारमा गिरावट आएको छ ।
सोमबार, नेप्से परिसूचक १७.३८ अंकले घटेर १९०१.९९ अंक विन्दुमा आइपुगेको छ ।
आज ५६ लाख २० हजारको कित्ता सेयर १ अर्ब ९७ करोड ३४ लाखमा खरिद बिक्री भएको छ ।
त्यस्तै, ४६ वटा कम्पनीको सेयर मूल्य बढ्दा १६६ वटा कम्पनीको घटेको छ भने ८ वटा कम्पनीको स्थिर अवस्थामा रहेको छ ।
त्यसैगरि, शिवम् सिमेन्ट्सको सर्वाधिक सेयर खरिदबिक्री भएको छ । कम्पनीको आज १९ करोड ८९ लाख रुपैयाँ माथिको कारोबार भएको छ ।
त्यस्तै, आइजीआई प्रुडेन्शियल इन्स्योरेन्सको ९ करोड ९८ लाख, चिलिमे हाइड्रोपावरको ९ करोड १९ लाख, सानिमा माई हाइड्रोपावरको ७ करोड ४७ लाख र सोल्टी होटलको ७ करोड ३० लाख रुपैयाँमाथिको कारोबार भएको छ ।
