काठमाडौं । नेपाल आयल निगमले ढुवानीकर्ता श्री एक्सप्रेस परिवहन सेवा प्रा.लि.लाई कारवाही गरेको छ । निगमले बीलमा उल्लेख भन्दा २० हजार लिटर पेट्रोल ढुवानी गरेकाले उक्त ढुवानीकर्ताको नाममा रहेको लु २ ख ४८३९ नम्बरको ट्रकलाई चोरी पैठारी कसुरमा कारवाही गरेको हो।
क्षमता र बीलमा उल्लेख गरिएको भन्दा बढी परिमाणको पेट्रोल ढुवानी गरेको पाइएकाले पेट्रोल ढुवानीकर्तालाई कारवाही गरिएको निगमले जनाएको छ।
निगमले कारवाही स्वरुप ट्रकको ढुवानी भाडा रोक्का राख्ने र २० हजार लिटर पेट्रोलको रकम असुल उपर गर्ने भएको छ। त्यस्तै तीन महिनाको लागि निलम्बन गर्ने तथा निगमका सम्पूर्ण डिपोहरुमा पेट्रोलियम पदार्थ ढुवानी कार्यमा सधैका लागि बन्देज लगाउने निर्णय गरेको छ।
