काठमाडौं । ईङवा हाइड्रोपावर लिमिटेडको आईपीओ बाँडफाँट हुने मिति तय भएको छ । बिक्री प्रबन्धक नेपाल एसबिआई मर्चेन्ट बैंकिंङले कम्पनीको आईपीओ वैशाख २७ गते बुधबार बिहान ९ बजे बाँडफाँट गर्ने तयारी गरेको हो ।
कम्पनीले वैशाख १३ गतेदेखि वैशाख १७ गतेसम्म सर्वसाधारणका लागि आईपीओ निष्काशन गरेको हो ।
कम्पनीले कम्पनीका कर्मचारीलाई २९ हजार ८ सय ६३ कित्ता, सामुहिक लगानी कोष योजनाहरुलाई ७४ हजार ६ सय ५८ कित्ता सुरक्षित गरि सर्वसाधारणलाई १२ लाख ६८ हजार ६ सय ३९ कित्ता सेयर निष्काशन गरेको हो ।
कम्पनीको सेयर निष्काशन तथा बिक्री प्रबन्धकमा नेपाल एसबिआई मर्चेन्ट बैंकिंङ रहेको छ ।
कम्पनीले यस अघि अनि आयोजना प्रभावित स्थानीय र श्रम स्वीकृति लिई विदेशमा कार्यरत नेपाली श्रमिकको लागि आईपिओ निष्काशन गरि बाँडफाँट गरिसकेको छ ।
ईङवा हाइड्रोपावरले ताप्लेजुङ जिल्लामा ९.७ मे.वा. जलविद्युत आयोजना निर्माण गरिरहेको छ । आयोजनाले २०८० साल जेठ १६ गते बाट व्यापारिक उत्पादन सुरु गर्ने लक्ष्य राखेको छ ।
यस कम्पनीमा अपि पावरको १५ लाख कित्ता, अरुण काबेलीको ३ लाख कित्ता, गुरु प्रसाद न्यौपानेको ४ लाख ६९ हजार कित्ता सेयर लगानी रहेको छ ।
कम्पनीको आईपीओमा अन्तिमसम्ममा १० लाख ५९ हजार ९०१ आवेदकबाट १ अर्ब ३७ करोड ८० लाख ८० हजार रुपैयाँ बराबरको १ करोड ३७ लाख ८० हजार ८०० कित्ता सेयरको लागि आवेदन परेको थियो ।
जुन सर्वसाधारणलाई निष्काशन गरेको १२ लाख ६८ हजार ६३९ कित्ता सेयरको १०.८६ गुणा बढी हो ।
कम्पनीको आईपीओमा माग भन्दा बढी आवेदन परेकोले धितोपत्र निष्काशन तथा बाँडफाँट निर्देशिका अनुसार गोलाप्रथाबाट न्युनतम १० कित्ताको दरले सेयर वितरण हुनेछ । जसअनुसार १ लाख २६ हजार ८६३ जना आवेदकले मात्रै सेयर पाउनेछन् ।
