काठमाडौं । संखुवासभाको भोटखोलामा हेलिकप्टर दुर्घटनामा परेको छ। अरुण तेस्रोको सामान बोकेको सिम्रिक एयरको हेलिकप्टर रुखमा ठोक्किएर दुर्घटनामा परेको हो।
हेलिकप्टरमा चालकसहित ४ जना रहेका छन् । उद्धारका लागि काठमाडौंबाट हेलिकप्टर पठाइएको छ । घटनाको विस्तृत विवरण आउन बाँकी रहेको छ ।
सखुवासभाको भोटखोला गाउँपालिकाका अध्यक्ष वाङछेदर लामाले भोटखोला ४ सिप्रुङको जिजिङ्खामा हेलिकप्टर दुर्घटनामा परेको बताएका छन् । उनले दुर्घटनाग्रस्त हेलिकप्टरको तस्वीर पनि सार्वजनिक गरेका छन् ।
यता नागरिक उड्डयन प्राधिकरणले भने हेलिकप्टर दुर्घटनामा परेको आशंका मात्रै गरेको छ । प्राधिकरणका प्रवक्ता जगन्नाथ निरौलाले संखुवासभाको उत्तरतर्फ हेलिकपटर सम्पर्कविहीन भएको खबर आएको बताए ।
