काठमाडौं । सेयर बजारमा गिरावट आउने क्रम जारी रहेको छ ।
मंगलबार, नेप्से परिसूचक ४.२७ अंकले घटेर १८६६.४० अंक विन्दुमा आइपुगेको छ ।
आज २३ लाख ३३ हजारको कित्ता सेयर ६९ करोड १० लाखमा खरिद बिक्री भएको छ ।
त्यस्तै, ६८ वटा कम्पनीको सेयर मूल्य बढ्दा १४४ वटा कम्पनीको घटेको छ भने ७ वटा कम्पनीको स्थिर अवस्थामा रहेको छ ।
त्यसैगरि, हिमालयन डेष्टिलरीको सर्वाधिक सेयर खरिदबिक्री भएको छ । कम्पनीको आज २ करोड ४४ लाख रुपैयाँ माथिको कारोबार भएको छ ।
त्यस्तै, नेपाल टेलिकमको २ करोड २८ लाख, शिवम् सिमेन्ट्सको २ करोड १४ लाख, तारागाँउ होटलको १ करोड ९८ लाख र नबिल बैंकको १ करोड ८० लाख रूपैयाँमाथिको कारोबार भएको छ ।
