काठमाडौं । देशभर थप १,२८२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
आज १२ हजार ८१ पीसीआर परीक्षण गर्दा ९७५ जना र ३ हजार ४०७ एन्टिजेन परीक्षण गर्दा ३०७ गरी १ हजार २८२ जनामा कोरोना संक्रमण देखिएको हो ।
पछिल्लो २४ घण्टामा कोरोना संक्रमणबाट ७ जनाको मृत्यु भएको छ भने १,२६२ जना संक्रमणमुक्त भएका छन् ।
हाल नेपालमा कोरोना संक्रमितको कुल संख्या ७ लाख ९२ हजार ३६७ पुगेको छ भने मृत्यु हुनेको संख्या ११ हजार १०१ पुगेको छ ।
त्यसैगरि, ७ लाख ६२ हजार ४१६ जना संक्रमणमुक्त भएका छन् ।
