काठमाडौं । आज देशभर मौसम बदली रही धेरै ठाउँमा हल्कादेखि मध्यम वर्षाको सम्भावना रहेको जल तथा मौसम विभागले जनाएको छ ।
आज तराई क्षेत्रमा भन्दा पनि पहाड र हिमाली क्षेत्रमा वर्षाको सम्भावना रहेको र बिहानभन्दा पनि अपराह्न पछि वर्षाको सम्भावना रहेको बताइएको छ ।
त्यस्तै, काठमाडौं उपत्यकामा पनि बिहान र मध्याह्न केही घाम लागे पनि अपराह्नपछि भने वर्षाको सम्भावना रहेको विभागले जनाएको छ ।
