काठमाडौं । मकर जितुमाया सुरी हाइड्रोपावर लिमिटेडको आईपीओमा तेस्रो दिनसम्ममा ८.६२ गुणा बढीको आवेदन परेको छ ।
मंगलबार साँझ ५ः१२ बजेसम्ममा १० लाख २९ हजार ४९४ आवेदकबाट एक अर्ब १५ करोड ३६ लाख ८६ हजार रुपैयाँ बराबरको १ करोड १५ लाख ३६ हजार ८६० कित्ता सेयरको लागि आवेदन परेको सिडिएस एण्ड क्ल्यिरिङले जनाएको छ ।
जुन सर्वसाधारणलाई निष्कासन गरेको १३ लाख ३७ हजार ३०२ कित्ता सेयरको ८.६२ गुणा बढी हो ।
कम्पनीले सर्वसाधारणका लागि चैत १९ गतेदेखि २२ करोड ८० लाख रुपैयाँ बराबरको आईपीओ जारी गरेको हो ।
जसअनुसार कम्पनीले प्रतिकित्ता १०० अंकित मूल्यका दरले २२ लाख ८० हजार कित्ता साधारण सेयर निष्कासन गरेको छ । यो मध्ये ५ प्रतिशत अर्थात् ८० हजार कित्ता सामूहिक लगानी कोष र २ प्रतिशत अर्थात् ३२ लाख २८ हजार कित्ता सेयर कर्मचारीहरुका लागि छुट्याइएको छ ।
बाँकी १३ लाख ३७ हजार ३०२ कित्ताका लागि सर्वसाधारणले आवेदन दिन सक्नेछन् । यसअघि यस हाइड्रोपावरले आयोजना प्रभावित स्थानीय र वैदेशिक रोजगारीमा रहेका नेपालीहरुका लागि आइपीओ बिक्री खुला गरिसकेको छ ।
कम्पनीको आईपीओमा मागभन्दा बढी आवेदन परेकोले लगानीकर्ताले चैत २२ गतेसम्म आवेदन दिन सक्नेछन् । लगानीकर्ताले यसमा न्यूनतम १० कित्तादेखि अधिकतम १० हजार कित्ताको लागि आवेदन दिन सक्नेछन् ।
कम्पनीको सेयर निष्कासन तथा बिक्री प्रबन्धकमा प्रभु क्यापिटल मार्केट रहेको छ । लगानीकर्ताले सी९आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । रेटिङ एजेन्सी इक्रा नेपालले मकर जितुमाया सुरीको आइपीओलाई औसत जोखिम आधार जनाउने ‘केयर एनपी डबल बी’ रेटिङ दिएको छ ।
