काठमाडौं । नव नियूक्त अर्थ मन्त्री डा. प्रकाशशरण महतले हाल अर्थतन्त्रमा देखा परेका चुनौतीहरुको सहज समाधानका लागि एकजुट भएर लाग्नु पर्ने बताएका छन् । नेकपा बैंकर्स संघ (एनबीए)को कार्यकारिणी समितिका पदाधिकारीहरुसँग भेटमा अर्थमन्त्री महतले यस्तो धारणा राखेका हुन्।
बैंक तथा वित्तीय संस्थाहरुले गरेको योगदानको प्रशंसा गर्दै हाल अर्थतन्त्रमा देखा परेका चुनौतीहरुको सहज समाधानका लागि एकजुट भएर लाग्नु पर्ने बताउँदै आर्थिक विकासको लागि बैंकिङ क्षेत्रको अहम भूमिका रहने बताए ।
सो अवसरमा संघका अध्यक्ष सुनिल के.सी.ले बैंकिङ क्षेत्रले मुलुकको आर्थिक बृद्धिमा पु¥याएको योगदान बारेमा स्मरण गराउँदै पछिल्लो समयमा देखा परेका चुनौतीहरुका विषयमा जानकारी गराए । साथै, यस क्षेत्रलाई थप सुदृढ र प्रभावकारी बनाउन सरकारको तर्फबाट सदाभैm पूर्ण सहयोगको अपेक्षा रहेको बताए ।
संघका पदाधिकारीहरुले पछिल्लो समय वित्तीय क्षेत्रको बारेमा बढ्दै गएको नकारात्मक धारणा, घट्दै गइरहेको प्रतिफल, बढ्दो खराब कर्जा, तरलता अभाव लगायतको विषयमा अवगत गराउँदै बैंकिङ क्षेत्र वित्तीय स्थायित्व तथा आर्थिक विकासका लागि सरकारलाई सहयोग गर्न सदैव तत्पर रहेको प्रतिबद्धता व्यक्त गरे ।
साथै, एनबीएका कार्यकारिणी समितिका पदाधिकारीहरुले आज नव नियूक्त अर्थ मन्त्री डा. प्रकाशशरण महतसँग भेटघाट गरी बधाई तथा शुभकामना प्रदान गरेका छन् ।
