काठमाडौं । नबिल बैंकको दुई वटा शाखा कार्यालय स्थानान्तरण हुने भएको छ । बैंकले बाँके र कैलाली जिल्लामा रहेका २ वटा शाखा स्थानान्तरण गर्न लागेको हो ।
जसअनुसार हाल बाँकेको नेपालगञ्ज नगरपालिका २, धम्बोजीमा रहेको शाखा सोही नगरपालिका ३, भानुभक्त चोक, न्यूरोडमा स्थानान्तरण हुन लागेको हो ।
त्यस्तै, कैलालीको धनगढी उपमहानगरपालिका २, धनगढीमा रहेको शाखा कार्यालय सोही उपमहानगरको वडा नं.३ स्थित बोराडाडीमा स्थानान्तरण हुने भएको छ ।
बैंकले नयाँ ठाउँमा स्थानान्तरण गरेका दुई शाखा कार्यालय चैत १९ गतेदेखि संचालन आउने छ ।
बैकले ती शाखाहरुको लकरमा राखिएका आफ्ना सामानहरु चैत १६ गतेभित्रै निकाल्न ग्राहकहरुलाई अनुरोध गरेको छ । शाखा स्थानान्तरण हुँदा सामान टुटफुट भएमा आफू जिम्मेवार नहुने बैंकले जनाएको छ ।
