काठमाडौं । राइड शेयरिङ सेवा दिँदै आएको साहारा एपले चाडपर्वलाई ध्यानमा राख्दै अफर सार्वजनिक गरेको छ । कम्पनीले राइडर र सेवाग्राही दुवैलाई लक्षित गरी धमाकेदार दशैं अफर सार्वजनिक गरेको हो ।
जस अन्तर्गत राइडरले होण्डा साइन बाइक र रेडमी-९ मोबाईल जित्ने मौका रहेको छ भने ग्राहकले साहाराको वालेटमा ५ हजार रुपैयाँ जित्ने मौका रहेको छ ।
असोज १ गतेदेखि २० गतेसम्म चल्ने सो योजनामा हरेक हप्ता टप राइडरलाई रेडमी-९ र नगद बोनस समेत पाउने कम्पनीले जनाएको छ । उपहार जित्नका लागि राइडर र ग्राहक दुवैले ४५ वटा राइड पुरा गरेको हुनुपर्ने कम्पनिका अध्यक्ष शेखर श्रेष्ठले जानकारी दिए ।
अफरको अन्तिममा एकजना भाग्यशाली विजेताले बम्पर उपहार अन्तर्गत होण्डा साइन बाइक प्राप्त गर्नेछन् ।
नेपालमा सन् २०१९ देखी राइड शेयरिङ सेवा सुरु गरेको साहारा एपले निकट भविष्यमा फुड तथा अन्य सेवा पनि प्रदान गर्ने कम्पनिका सिइओ विशाल जीसीले जानकारी दिए ।
