काठमाडौं । आइतबार, नेप्से परिसूचक ३०.७७ अंकले घटेर १९३८.३५ अंक विन्दुमा आइपुगेको छ ।
आज ३८ लाख ३२ हजारको कित्ता सेयर १ अर्ब ३९ करोड २३ लाखमा खरिद बिक्री भएको छ ।
त्यस्तै, १८ वटा कम्पनीको सेयर मूल्य बढ्दा १९६ वटा कम्पनीको घटेको छ भने २ वटा कम्पनीको स्थिर अवस्थामा रहेको छ ।
त्यसैगरि, सुपरमादी हाइड्रोपावरमा १० प्रतिशतको सकरात्मक सर्किट लागेको छ ।
युनिक नेपाल लघुवित्तमा ४.०२, एनएमबि ५०मा ३.६५, एनआइबिएल प्रगती फण्डमा ३.३५, सानिमा डिभेन्चर २०८७ मा २.६१ प्रतिशतले सेयर मूल्य बढेको छ ।
त्यस्तै, सामलिङ पावर कम्पनीमा १०, आदर्श लघुवित्तमा ७.५४, खप्तड लघुवित्तमा ७.४२, उपकार लघुवित्तमा ६.९६, ग्लोबल आइएमई लघुवित्तमा ६.१७ प्रतिशतले सेयर मूल्यमा गिरावट आएको छ ।
