काठमाडौं । अब बढी भिडभाड हुने सरकारी कार्यालय बिदाको दिन पनि खुला हुने भएको छ । कर्मचारीहरूलाई सिफ्टमा काम गर्न लगाएर विदाको दिन पनि सरकारी कार्यालय खोल्न लागेको हो । सोमबार बसेको मन्त्रिपरिषदको बैठकले यस्तो निर्णय गरेको हो ।
उक्त बैठकले मालपोत, राहदानी विभाग, जिल्ला प्रशासन कार्यालय, अस्पताल, प्रहरी कार्यालय लगायतका सरकारी कार्यालय हरेक दिन खुला राख्ने निर्णय गरेको हो । सरकारले अब कर्मचारीहरुलाई सिफ्टमा काम गर्ने भएका छन् । सार्वजनिक विदाको दिन काम गर्ने कर्मचारीले भने सट्टा बिदा पाउनेछन् ।
