काठमाडौं । कामना सेवा विकास बैंकले चालु आर्थिक वर्षको दोस्रो त्रैमासम्मको अपरिष्कृत वित्तीय विवरण सार्वजनिक गरेको छ।
चालु आर्थिक वर्षको दोस्रो त्रैमाससम्ममा बैंकले १९ करोड ५८ लाख रुपैयाँ बढी नाफा आर्जन गरेको छ। गत वर्ष यही अवधिसम्म बैंकले ३४ करोड ३६ लाख नाफा आर्जन गरेको थियो। समीक्षा अवधिमा गत वर्षको तुलनामा बैंकको नाफा ४३ प्रतिशतले घटेको छ।
यो अवधिसम्म बैंकको वितरणयोग्य मुनाफा १९ करोड ८१ लाख रुपैयाँ रहेको छ।
दोस्रो त्रैमाससम्म बैंकले २७ करोड ९८ लाख रुपैयाँ सञ्चालन मुनाफा आर्जन गरेको छ। गत वर्ष यही अवधिसम्म यस्तो मुनाफा ४९ करोड ९ लाख रुपैयाँ रहेको थियो। सञ्चालन मुनाफा पनि ४३ प्रतिशतले घटेको छ।
समीक्षा अवधिसम्म बैंकले १ अर्ब २ करोड रुपैयाँ खुद ब्याज आम्दानी गरेको छ। गत वर्ष यही अवधिमा बैंकको यस्तो आम्दानी ९० करोड ५९ लाख रुपैयाँमा सीमित थियो। यो हिसाबले ब्याज आम्दानी १२.८८ प्रतिशतले बढेको छ।
समीक्षा अवधिमा बैंकको वार्षिकीकृत प्रतिसेयर आम्दानी (ईपीएस) बढेर १२.४७ रुपैयाँ कायम भएको छ। गत वर्ष यही अवधिमा ईपीएस २१.८७ रुपैयाँ रहेको थियो। पीई रेसियो २७.५२ गुणा रहेको बैंकको प्रतिसेयर नेटवर्थ १५१.२१ रुपैयाँ रहेको छ।
३ अर्ब १४ करोड रुपैयाँ चुक्तापुँजी रहेको बैंकको रिजर्भको आकार ३३.२९ प्रतिशतले बढेर १ अर्ब ४१ करोड रुपैयाँको उचाइमा पुगेको छ। गत वर्ष यही अवधिसम्म रिजर्भमा १ अर्ब ५ करोड रुपैयाँ रहेको थियो।
समीक्षा अवधिसम्म बैंकले ४७ अर्ब ९८ करोड रुपैयाँ निक्षेप संकलन गरी ४२ अर्ब ४४ करोड रुपैयाँ कर्जा परिचालन गरेको छ। गत वर्ष यही अवधिसम्म बैंकले ४६ अर्ब २६ करोड रुपैयाँ निक्षेप संकलन गरी ४२ अर्ब ५१ करोड रुपैयाँ कर्जा परिचालन गरेको थियो।
