काठमाडौं । साताको चौथो दिन सेयरबजारमा गिरावट आएको छ ।
बुधबार, नेप्से परिसूचक ९.०१ अंकले घटेर २१७३.१० अंक विन्दुमा आइपुगेको छ ।
आज १ करोड ३३ लाख ४ हजारको कित्ता सेयर ४ अर्ब ९२ करोड ८७ लाखमा खरिद बिक्री भएको छ ।
त्यस्तै, ८० वटा कम्पनीको सेयर मूल्य बढ्दा १२१ वटा कम्पनीको घटेको छ भने ६ वटा कम्पनीको स्थिर अवस्थामा रहेको छ ।
त्यसैगरि, रिडी पावरको सर्वाधिक सेयर खरिदबिक्री भएको छ । कम्पनीको आज ३५ करोड ७८ लाख रुपैयाँ माथिको कारोबार भएको छ ।
त्यस्तै, अपि पावरको १९ करोड ७६ लाख, नेशनल हाइड्रोपावरको १४ करोड ८८ लाख, अरुण भ्याली हाइड्रोपावर १२ करोड ७ लाख र उपर तामाकोसीको ९ करोड ७३ लाख रुपैयाँमाथिको कारोबार भएको छ ।
