काठमाडौं । यति एयरलाइन्सको विमान दुर्घटनामा परेको छ । काठमाडौंबाट ६८ जना यात्रु बोकेर पोखराका लागि उडेको यती एयरलाइन्सको एएनसी एटीआर ७२ जहाज पोखरामा दुर्घटनाग्रस्त भएको हो ।
काठमाडौंबाट विहान १०ः३३ बजे पोखराका लागि उडेको विमान पोखरा विमानस्थलबाट नजिकै रहेको सेती खोचमा जहाज दुर्घटना भएको हो । जहाज क्याप्टेन कमल केसीले उडाएका थिए ।
यति एयरलाइन्सका प्रवक्ता सुदर्शन बर्तौलाका अनुसार विमानमा दुई पाइलट, दुई जना एयर होस्टेस र ६८ जना यात्रु सवार थिए ।
दुर्घटनाग्रस्त क्षेत्रमा अहिले प्रहरी खटाइएको र एम्बुलेन्सलाई अलर्टमा राखिएको जनाइएको छ ।
घटनाको थप विवरण आउन बाँकी रहेको छ ।
