काठमाडौं । ब्राजिलका महान फुटबल खेलाडी पेलेको ८२ वर्षको उमेरमा निधन भएको छ ।
उनले २१ वर्षको करियरमा १,३६३ खेलमा विश्व कीर्तिमान १,२८१ गोल गरेका छन् । जसमा आफ्नो देशका लागि ९२ खेलमा ७७ गोल गरेका छन्।
सन् १९५८, १९६२ र १९७० मा तीन पटक विश्वकप जित्ने एकमात्र खेलाडी पेले सन् २००० मा फिफाको प्लेयर अफ द सेन्चुरी घोषित भएका थिए ।
उनी पछिल्लो समय मिर्गौला र प्रोस्टेटको समस्याबाट पीडित थिए ।
नियमित परीक्षणमा ट्युमर पत्ता लागेपछि पेलेले सेप्टेम्बर २०२१ मा साओ पाउलोको अल्बर्ट आइन्स्टाइन अस्पतालमा आफ्नो पेटबाट ट्युमर हटाउन शल्यक्रिया गरेका थिए। नोभेम्बर २०२२ को अन्त्यमा उनलाई पुनः अस्पतालमा भर्ना गरिएको थियो।
उनकी छोरी केली नासिमेन्टोले अस्पतालबाट नियमित सामाजिक सञ्जाल अपडेटहरूमार्फत आफ्ना बुबाको अवस्थाबारे प्रशंसकहरूलाई अपडेट गराई राखेकी थिइन्।
बिहीबार उनले अस्पतालमा पेलेको शरीरमा उनको परिवारको हात रहेको देखाएको तस्बिर पोस्ट गरे र लेखिन्, ‘हामी जे छौं सबै तपाईलाई धन्यवाद छ। हामी तपाईंलाई असीम माया गर्छौं। तपाईको आत्मालाई शान्ति मिलोस् ।’
अस्पतालले ‘बहु अंगको विफलताका कारण, उनको अघिल्लो क्लिनिकल अवस्थासँग सम्बन्धित कोलोन क्यान्सरको परिणाम’ ले पेलेको मृत्यु भएको पुष्टि गरेको छ ।
पेलेको ट्विटर खातामा पोष्ट गरिएको छ, ‘प्रेरणा र प्रेमले आज शान्तिपूर्वक निधन भएका राजा पेलेको यात्रालाई चिन्ह लग्यो। माया, माया र माया, सधैंभरि।’
