काठमाडौं । नेपाल इन्भेष्टमेण्ट बैंकले सेयरधनीलाई ११ प्रतिशत लाभांश वितरण गर्ने निर्णय पारित गरेको छ । बैंकको आज सम्पन्न ३६औं वार्षिक साधारणसभाले चार प्रतिशत बोनस सेयर र सात प्रतिशत नगद लाभांश वितरण गर्ने निर्णय पारित गरेको हो ।
साधारणसभाले मेगा बैंकसँग मर्जरमा जाने निर्णय पनि पारित गरेको छ । दुवै बैंक छिट्टै मर्जर प्रक्रिया सम्पन्न गरी संयुक्त कारोबार गर्ने प्रक्रियामा छन् ।
बैंकले गत आवमा बैंकले छ अर्ब २८ करोड सञ्चालन मुनाफा तथा तीन अर्ब ७९ करोड खुद मुनाफा आर्जन गरेको छ । बैंकको चुक्ता पूँजी १९ अर्ब तीन करोड पुगेको छ । बैंकले अघिल्लो वर्ष एक सय ७९ अर्ब ४० करोड निक्षेप संकलन गरेकोमा गत वर्ष एक सय ८६ अर्ब ७६ करोड संकलन गरेको छ ।
साथै बैंकको कर्जा प्रवाह अघिल्लो वर्ष एक सय ६१ अर्ब ९१ करोड रहेकोमा गत आवमा एक ६४ अर्ब ८२ करोड पुगेको छ ।
