काठमाडौं । दक्षिण अमेरिकी राष्ट्र अर्जेन्टिनाले फिफा विश्वकप फुटबल प्रतियोगिताको उपाधि उचालेको छ । कतारको दोहास्थित लुसेल रंगशालामा भएको २२औं संस्करणको फाइनल खेलमा फ्रान्सलाई टाइब्रेकरमा ४-२ गोलअन्तरले हराउदै अर्जेन्टिनाले विश्वकपको उपाधिमा ह्याट्रिक गरेको हो । अर्जेन्टिनाले ३६ वर्षपछि विश्वकपको उपाधि उचालेको हो ।
यसअघि अर्जेन्टिनाले सन् १९७८ र १९८६ मा दुई पटक उपाधि जितिसकेको छ ।
प्रत्येक राष्ट्रले विश्वकपमा दौडमा गएको गर्वको अलावा प्रत्येक राष्ट्रले आफ्नो प्रदर्शनको आधारमा विश्वकपको पुरस्कार राशि पनि कमाउँछन्।
फिफाले ले विश्वकपको लागि ४४० मिलियन डलर पुरस्कार रकम वितरण गरेको छ । फिफाले विश्वकपमा सहभागी देशहरुलाई प्रतियोगिताको कुन चरणमा पुगेका छन् भन्ने आधारमा नगद दिनेछ । साथै, विश्व कपमा छनोट हुने प्रत्येक टोलीले १.५ मिलियन डलर प्राप्त गरेका छन् ।
खेल महिमा र अन्तिम पुरस्कार जित्ने र विश्व च्याम्पियन्सको ताज जित्ने बारे हो, तर खेलाडीहरूले केही राम्रा बोनसहरू कमाउनको लागि पनि खेलिरहेका छन् जसले उनीहरूको राष्ट्रिय टोली र संघहरूलाई कोष गर्न मद्दत गर्दछ।
कतारमा सम्पन्न २०२२ को विश्वकपमा प्रत्येक टोलीले आफ्नो दौडबाट कति कमाए भन्ने विवरणसहित विश्व कपको पुरस्कार रकम तालिकाको पूर्ण विवरण तल दिइएको छ।
२०२२ विश्वकपको पुरस्कार रकम तालिका पूर्ण
१. समूह चरणबाट बाहिरिएका टोलीले प्रत्येकले ९ मिलियन डलर प्राप्त गरेका छन् । जुन नेपाली १ अर्ब १९ करोड ५६ लाख ३५ हजार ६ सय हुन आउँछ ।
समूह चरणबाट बाहिरिने देशमा कतार, इक्वेडर, वेल्स, इरान, मेक्सिको, साउदी अरेबिया, डेनमार्क, ट्युनिसिया, क्यानडा, बेल्जियम, जर्मनी, कोस्टारिका, सर्बिया, क्यामरुन, घाना, उरुग्वे रहेका छन् ।
२. राउन्ड अफ १६ मा पुग्ने टोलीहरूले प्रत्येकले १३ मिलियन डलर प्राप्त गरेका छन् । जुन नेपाली रूपैयाँ १ अर्ब ७२ करोड ७० लाख २९ हजार २ सय हुन आउँछ ।
राउन्ड अफ १६ मा पुग्ने देशहरुमा संयुक्त राज्य अमेरिका, सेनेगल, अष्ट्रेलिया, पोल्याण्ड, स्पेन, जापान, स्विट्जरल्याण्ड, दक्षिण कोरिया रहेका छन् ।
३. क्वार्टरफाइनल पुग्ने टोलीले प्रत्येकले १७ मिलियन डलर पाएका छन् । जुन नेपाली रूपैयाँ २ अर्ब ५८ करोड ८४ लाख २२ हजार ८ सय हुन आउँछ ।
क्वार्टरफाइनलमा पुग्ने देशहरुमा ब्राजिल, नेदरल्याण्ड, पोर्चुगल, इंगल्याण्ड रहेका छन् ।
४. चौथो स्थानको टोलीले २५ मिलियन डलर पाएको छ । जुन नेपाली रूपैयाँ ३ अर्ब ३२ करोड १२ लाख १० हजार हुन आउँछ । मोरक्को चौथो स्थानमा पुगेको थियो ।
५. तेस्रो हुने टोलीले २७ मिलियन डलर पाएको छ । जुन नेपाली ३ अर्ब ५८ करोड ६९ लाख ६ हजार ८ सय हुन आउँछ । क्रोएसिया तेस्रो स्थानमा रहेको छ ।
६. उपविजेता फ्रान्सले ३० मिलियन डलर पाएको छ । जुन नेपाली रूपैयाँ ३ अर्ब ९८ करोड ५४ लाख ५२ हजार हुन आउँछ ।
७ त्यसैगरि विजेता अर्जेन्टिनाले ४२ मिलियन डलर पाएको छ । जुन नेपाली रूपैयाँ ५ अर्ब ५७ करोड ९६ लाख ३२ हजार ८ सय हुन आउँछ ।
