काठमाडौं । साताको पहिलो दिन पनि सेयर बजारमा गिरावट आउने क्रम जारी रहेको छ ।
आइतबार, नेप्से परिसूचक ३१.९७ अंकले घटेर १८८५.३१ अंक विन्दुमा आइपुगेको छ ।
आज ३५ लाख १२ हजारको कित्ता सेयर १ अर्ब १० करोड ३४ लाखमा खरिद बिक्री भएको छ ।
त्यस्तै, २५ वटा कम्पनीको सेयर मूल्य बढ्दा १८० वटा कम्पनीको घटेको छ भने ३ वटा कम्पनीको स्थिर अवस्थामा रहेको छ।
आज सिवाइसी नेपाल लघुवित्तको सेयरमा १० प्रतिशत, समिट लघुवित्तमा ९.९९% र मैलुङ खोला जलविद्युतमा ९.५० प्रतिशतको सर्किट लागेको छ ।
त्यसैगरि, शिवम् सिमेन्ट्सको सर्वाधिक सेयर खरिदबिक्री भएको छ । कम्पनीको आज १० करोड २४ लाख रुपैयाँ माथिको कारोबार भएको छ ।
त्यसैगरि, नबिल बैंकको ५ करोड ९० लाख, हिमालयन डेष्टिलरीको ४ करोड ५५ लाख, एनआइसी एसिया बैंकको ३ करोड ७३ लाख र रिडि पावरको २ करोड ९८ लाख रुपैयाँमाथिको कारोबार भएको छ ।
