काठमाडौं । काठमाडौंमा सञ्चालित क्लब, डिस्को तथा रात्रिकालिन व्यवसायको समय तोकिएको छ।
काठमाडौंका प्रमुख जिल्ला अधिकारी घनश्याम उपाध्यायको अध्यक्षतामा बसेको जिल्ला सुरक्षा समितिको बैठकले विभिन्न व्यवसाय सञ्चालन गर्न पाउने समय तोकेको हो ।
जसअनुसार, काठमाडौंमा नाइट क्लबहरु बिहान ४ बजेसम्म सञ्चालन गर्न पाउने भएका छन् ।
त्यस्तै, बैंठकले रेष्टुरेन्टहरु राति १२ बजेसम्म सञ्चालन गर्न पाउने निर्णय गरेको छ। दोहोरी रेष्टुरेन्ट र लाउन्ज बारहरु बिहान २ बजेसम्म सञ्चालन गर्न पाइने निर्णय गरेको छ।
यसअघि प्रहरी प्रशासनले १० बजेपछि कुनै पनि रात्रिकालीन व्यवसाय सञ्चालन गर्न दिएको थिएन।
