काठमाडौं । देशभर १,५६२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
आज १४ हजार ४४३ वटा नमुनाको परीक्षण गर्दा एक हजार ५६२ जनामा संक्रमण पुष्टि भएको हो ।
योसँगै नेपालमा आजसम्म सक्रिय संक्रमितको संख्या २६ हजार २०२ पुगेको छ ।
पछिल्लो २४ घण्टामा कोरोनाका कारण १९ जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या १० हजार ९८४ पुगेको छ ।
त्यस्तै आज १ हजार ५८९ जना संक्रमणमुक्त भएको छ ।
