काठमाडौं । कतारमा हुन गइरहेको फिफा विश्वकपका लागि साविक विजेता फ्रान्सले आफ्नो टिम घोषणा गरेको छ ।
फ्रान्सले बुधबार विश्वकपका लागि २५ सदस्सीय टोलीको घोषणा गरेको हो ।
फ्रान्सले घोषणा गरेको टोलीमा डिफेन्डर राफायल भरान अटाएका छन् ।
गोलकिपर ह्युगो लोरिस चौथो पटक विश्वकपको टोलीमा समावेश छन् ।
भेट्रान फरवार्डद्वय करिम बेन्जेमा र ओलिभर जिरुड पनि टिममा छन् ।
चोटका कारण पउल पोग्बा र एनगोलो कान्टे यसअघि नै विश्वकपबाट बाहिरिसकेका छन् ।
समूह ‘बी’ मा रहेको फ्रान्सले नोभेम्बर २२ मा अष्ट्रेलियासँग पहिलो खेल खेल्ने छ ।
