काठमाडौं । साताको पहिलो दिन सेयर बजारमा हरियाली छाएको छ ।
आइतबार, नेप्से परिसूचक ४३.२० अंकले बढेर १९६५.३६ अंक विन्दुमा आइपुगेको छ ।
आज ३९ लाख १३ हजारको कित्ता सेयर १ अर्ब ५४ करोड ८० लाखमा खरिद बिक्री भएको छ ।
त्यस्तै, उपसमूहतर्फ म्यूचल फण्ड बाहेक सबै कम्पनीहरुमा हरियाली देखिएको छ ।
आज १८३ वटा कम्पनीको सेयर मूल्य बढ्दा ३ वटा कम्पनीको घटेको छ ।
आज नेष्डो समृद्वि लघुवित्तको सर्वाधिक सेयर खरिदबिक्री भएको छ । कम्पनीको आज १० करोड १४ लाख रुपैयाँ माथिको कारोबार भएको छ ।
त्यसैगरि, एभरेष्ट बैंकको ७ करोड ३ लाख, हिमाल दोलखा हाइड्रोपावरको ६ करोड ६० लाख, जाल्पा सामुदायिक लघुवित्तको ५ करोड ६५ लाख र हिमालयन डेष्टिलरीको ४ करोड ३२ लाख रुपैयाँमाथिको कारोबार भएको छ ।
